Aktorja e mirënjohur Roza Anagnosti: Jam me teatrin dhe artistët. Nuk duhet shembur
Aktorja e mirënjohur Roza Anagnosti: Jam me teatrin dhe artistët. Nuk duhet shembur
Ai është vlerë që duhet ruajtur dhe duket rikonstruktuar, aq më tepër që i kanë gjetur fondet
Sot ka reaguar edhe aktorja e mirënjohur Roza Anagnosti. Ajo ka shkruar se do jetë në krah të kauzës së Teatrit Kombëtar. Anagnosti thotë se është me teatrin dhe i bashkohet kolegëve, pavarësisht se nuk mund të jetë në shesh me ta për arsye fizike.
“Unë jam me teatrin, e mbështes teatrin, është memorie, për ne që jemi këtu e për ata që janë jashtë. Zhvillimet e reja e kuptoj që vijnë, por janë disa gjëra, që duhet t’i ruajmë. U bashkohem kolegëve, kam ndjeshmërinë e sinqertë, është vend ku kam emocione. Unë s’mund të rri në shesh, por jam me ta. Aty janë shpirtrat e shumë artistëve që kanë bërë.
Kanë folur për të emra të njohur të trashëgimisë, nga Emin Riza te Maks Velo i shkretë, u besoj gjykimeve të tyre.
Unë nuk e kuptoj gjithë këtë, që po ndodh. Thonë se është shumica! Por duhet të respektosh popullin tënd. Nuk janë vetëm artistët që e mbështesin, është edhe populli, e nuk mund të mos e respektosh, duhet t’i dëgjosh. Ne e kemi thënë fjalën tonë, në mënyrën më humane e të kulturuar.
Ai është vlerë që duhet ruajtur dhe duket rikonstruktuar, aq më tepër që i kanë gjetur fondet. Por njerëzit, edhe mund të jepnin para për të ndihmuar.
Do ishte mirë, që kjo kohë të kishte vlejtur, për bashkëpunim e bashkërendim. Nuk është është kohë për këtë, kur i kemi njerëzit jashtë, kur jemi të bllokuar. Nuk më duket e arsyeshme të krijohen artifica në këtë situatë që po kalojmë.” -shkruan Anagnosti në një deklaratë shpërndarë mediave.
Gazeta Koha e Jone